Walang Pamagat.

Masarap maniwala sa konsepto ng pag-ibig

Masarap malamang umiikot parin ang daigdig

Pero ang buhay mo, aking mahal

Magpapatuloy, uusad.

Ang buhay ko, habambuhay na titigil;

Titigil upang maghintay,

Titigil upang magmahal.

Hindi kailangang maibalik,

Hindi kailangang masuklian,

Sapat na na iyong malaman,

Kahit pa ito ay walang kasagutan.

Masarap maniwala sa pangako ng bukas

Maniwala hangga’t takasan na ng pag-asa at lakas.

Pero ang buhay mo, aking mahal

May halaga, may patutunguhan.

Ang buhay ko, habambuhay na titigil.

Mapapako sa maling pag-asa

Mapapako sa maling paniniwala.

Sapat na na ikaw ay masaya.

Sapat na na ikaw ay malaya.

Dahil ang pag-ibig

Hindi dapat sakim

Hindi dapat mapang-angkin.

Dahil ang pag-ibig

Dapat ay totoo,

Kahit pa wala namang ikaw at ako.