FLASH
FICTIONS
Alak
Inabot mo ang isang
baso ng tequila shot at kapirasong lemon habang nakatitig sa dalawang babaeng
mukhang puta-puta at muling binaling ang tingin sa baso ng tequila kasabay ng
pagtulo ng dalawang ga-balang butil ng luha.
Selpon
Mabilis ang iyong
takbo, ika’y humahangos, tinitigan mo ang lumang modelo ng selpong hinablot mo
sa isang ale palabas ng simbahan, ika’y tumingin sa mga batang nagtitinda ng
sampaguita at iniabot ito sa kanila saka ka nakangiting naglakad palayo.
Maligayang pagtatapos
Tinanggal mo ang push
pin na nagdidikit sa larawan ng isang babaeng nakatoga sa iyong corkboard at
iyong inalala ang araw bago ang pagtatapos sa unibersidad. May sunog, nagising
ka, nagbalik ang tingin sa larawan at binalik ito sa corkboard.
Panis
Giniginaw ako at balot
ng grasa, ‘di alam kung kalian huling nalamnan ang sikmura, natatanaw ko ang
isang hibla ng liwanag sa dako roon, dahan dahan akong lalakad, hawak sa isang
kamay ang isang ballot ng panis na pagkain habang ang isa’y nakaturo sa
liwanag.
No comments:
Post a Comment